"Шәфкатьле булыйк"тимурчылык эше - 17 Января 2015 - Официальный сайт гимназии п.г.т. Богатые Сабы
Суббота, 10 Декабрь 2016, 23:25
Вы вошли как Просто гость | Группа "Гости"Приветствую Вас Просто гость | RSS

Официальный сайт МБОУ "Гимназии" п.г.т. Богатые Сабы

Категории раздела
Главная » 2015 » Январь » 17 » "Шәфкатьле булыйк"тимурчылык эше
13:17
"Шәфкатьле булыйк"тимурчылык эше
 

"Шәфкатьле булыйк!"

Яшиләр безнең районда
Әбиләр дә бабайлар.
Нинди генә авырлыклар
Кичермәгәннәр алар.
Безнең дә бар картаясы,
Булышыйк без аларга.
Су китерик, карлар көрик
Шатлансыннар алар да.
Чыннан да, өлкән буын кешесен шатландыру яшьләр кулында. Һәрберебезнең дә гомер көзләренә керәсебез бар. Картайган көндә нинди хәлдә каласын берәү дә белми. Чөнки гомернең сары көзләре без теләгәнчә генә бармый. Һәрьяклап ярдәм-яклауга мохтаҗ картлык ул бишектәге бәби шикелле. Шуңа аңа мөнәсәбәтебез дә якты һәм җылы булырга тиеш. Менә шулмаксатны алга сөреп, гимназия укучылары актив рәвештә тимурчылык эшен алып баралар. Кичә, 16 нчы гыйнвар көнне, 6 В сыйныфы укучылары Чишмәле урамы 1 нче йортта гомер кичерүче Ракова Елена апа һәм тормыш иптәше Риволь абый гаиләсенә ярдәм итәргә бардылар.Алар – искиткеч фидакарь һәм риясыз кешеләр. Елена апа гомер юлын балаларга белем бирүгә багышлаган булса, Риволь абый “Саба таңнары” нда редактор булып эшләгән. Өлкән буын балаларны бик җылы каршы ала. Укучылар бик шатланып ярдәм итәләр: кар көриләр, өйләрен җыештыралар. Г.Тукай “Эш беткәч уйнарга ярый”, - дип юкка гына әйтмәгән. Тырыш хезмәттән соң укучылар фотосурәткә төштеләр, әби белән бабай тимурчыларны җылы чәй белән сыйлады. Табын артында өлкән буын яшьләр белән җылы әңгәмә корды, үзләренең тормыш юллары белән таныштырып, яшьлек хатирәләрен яңартты. Гомумән, бүгенге очрашу яшьләр өчен дә, Раковлар гаиләсенә дә бик файдалы, кызыклы булды. Елена апа белән Риволҗ абый укучылар белән тормыш тәҗрибәсе белән уртаклашып,акыллы киңәшләрен, хәер-фатыйхаларын биреп, изге теләкләр теләп озатып калдылар. Укучылар да сөенеп өйләренә кайтып киттеләр. Бүгенге көн һәркемнең күңелендә бәйрәм рухы рухы булып истә калды. Мондый очрашулар кабатланып торсын иде. Һәрберебез туар көнне изгелектән, шәфкатьлелектән башлыйк.

Категория: Новости школы | Просмотров: 185 | Добавил: KAR | Рейтинг: 0.0/0
Всего комментариев: 0
Имя *:
Email:
Код *:
Вход на сайт
Поиск
Календарь
«  Январь 2015  »
ПнВтСрЧтПтСбВс
   1234
567891011
12131415161718
19202122232425
262728293031
Погода
Яндекс.Погода
Сегодня
Праздники сегодня

МБОУ "Гимназия" п.г.т. Богатые Сабы
2016